Ahhh

Ahhh

mumpung ade galah
jalan alih ne melah
kutang ane salah
pang sing tulah
nyanan telah
ane jumah
benyah

ngalih melah
pang bani ngalah
pang nyak kadi gedah
apanga twara kanti belah

yen gedahsuba belah
makejangne benyah
tusing nu bungah
pianak somah
kadi punyah
pada osah
ngahngah

Sumardika, 2014

Meme Guru

Meme Guru

aduh... bibi ... aduh

ngadut sakit titiang rawuh

goncang segara wadune

muncar giri putrine

membah amertane pinge

urip.... titiang

uduh... aji... uduh

apurayang titiang tangkil

ngidih-idih natakang lima

ngelanting tur megandong

suksma sampun mayungin

rena.... titiang

titiang mangkin iriki

saking bibi saking aji

suksma......meme

suksma......bapa

niki titiang mangkin

semarasura,ngis'14

Tan Tepet Tulad

Tan Tepet Tulad

tityang tuna taya tanpa tastra

turing tiwas tanpa tresna

teken tulus tan tinemu

tatan tinut tutur tuhu

tales tilas tan teliti

tan tuut tata titi

tatan teleb

tan tepet

tulad

(wangdusun’ 14)