Sasinoman
Klana smara
Awignam aturingwang
Mogi purna papa weci
Mangguh sukertaning jagat
Sudhamalane kaapti
Ring hyang ratuning siniwi
Sinampura tunas ingsun
Apan ngojah sastra gita
Pangkah mapi weruh ngurit
Crita tutur
Ring kidung mangkin satwayang
Mangkin wenten caritanya
Jadma tuna mawak laki
Mangumbara marah desa
Tani suka degeng nengil
Jag pragat mangungsi-ungsi
Tanpa rengo siang dalu
Satata ngumbar semara
Manulame wang pawestri
Ancul ancul
Kadi kageringan edan
Dwa dasa sampun yusanya
Rupanya nedeng muduhin
Mangkin kengin neda smara
Pakahyune ngalap rasmin
Asing setri mangulati
Kinasihan pada lulut
Mangatonang bagus rupa
Rarase nganyudin ati
Sami patuh
Pada ngrincikang upaya
Apang gelis payu bakat
Anggen sasanding ring ati
Pangunngun semara rasa
Mangkin sayaga wang laki
Sampun pacang ngrayu ugi
Mangenyor mangajum ajum
Langkun manis pangucapnya
Kadi madu mawor gendis
Nanging lacur
Tresnane nora katrima
Wangdusun'15
bersambung....